TUGAS
BASA JAWA
Gawe Pacelathon
Ing
sawijining dina, ana bocah anyar ing SMPN 2 Maju Jaya. Bocah iku mlebu ing
kelas 8A. Rio jenenge. Rio iku bocah sing menengan lan ora kakehan polah. Dheweke
iku murid pindahan saka SMPN 3 Pucuk Gunung.
Lena
: Eh…kae ana bocah anyar. Kerjani yo!
Fani
: Ayo ta. Kapan?
Lena
: Mengko wae wektu ngaso, pas bocahe arep
menyang kantin.
(
Sawise wektu pelajaran rampung lan wektune istirahat, Lena lan Fani banjur
nunggu Rio metu saka kelas)
Fani
: Wis bel ki. Kok dhekne durung metu
ya?
Lena : Aduh… suwi banget si cah kuwi!
Fani
: Eh kuwi bocahe metu.. Siap – siap
yo!
(
Rio metu saka kelas nggawa bekal panganane. Lena banjur njegal Rio nganti Rio
tiba lan panganane wutah)
Rio
: Aduh..!
Lena
: Hahaha… melas banget si arep mangan
wae panganane ndadak tiba!
(
Lena lan Fani ngguyu kelkelan )
Candra :
Kowe padha kenapa sih, kok nganti ngerjani Rio? Emange Rio duwe salah apa karo
kowe?
(
Candra nulungi Rio ngadeg )
Fani
: Ngapa?! Ora seneng ?!
Candra
: Ya, aku pancen ora seneng. Kowe
ngerjani Rio saksenengmu dhewe!
Lena
: Eh, aku ora duwe masalah karo kowe!
Dadi, kowe ora usah melu melu urusanku!
Candra
: Tapi, kowe aja saenake hdewe karo Rio!
Lena
: Dadi, kowe ora seneng yen aku
nganggu Rio? Apa kowe gelem, nasibmu kaya Rio?!
Candra :
Ayo, ri. Mending awake dhewe lunga wae saka kene, ketimbang kena amuk nenek
sihir kuwi!
(
Lena lan Fani jengkel weruh Candra lan Rio malah lunga menyang kantin )
Fani
: Awas kae, bocah! Tak kerjani maneh mengko!
Delok wae!
Lena
: Santai wae. Aku wis dhuwe rencana!
Fani
: Emang, apa rencanamu ?
Lena
: Piye, yen awake dhewe ngunceni bocah
loro kae ning gudang!
Fani :
Ya wis aku setuju. Eh wis bel mlebu ki. Ndang mlebu kelas, mengko ndak didukani
Pak Tanto. Pak Tanto kan galak banget.
Sakwise
bali sekolah, Fani lan Lena siap – siap nglakokake rencanane sing mau wis
dirembug,
Fani
: Rio! Candra! Kowe didhawuhi Pak
Gilang njupuk buku – buku lawas ing gudhang.
Rio
: Ya wis, Ndra. Ayo!
(
Sawektu Rio lan Candra lagi nggoleki buku – buku lawas. Ujug – ujug…)
JEDER!!
Rio
: Lho, kok lawange nutup? Sapa sing
ngunci lawange?
Candra
: Mesti nenek sihir kae sing ngunceni
awake dhewe ning kene.
Rio : Aduh piye ki, Ndra…
(Tanpa
dinyangka, ana bocah sing weruh kadadean iku. Banjur, bocah kuwi nglaporake
kadadean mau marang guru BK. )
Esuke,
pas Lena lan Fani lagi ing kelas, ana bocah sing ngandani yen Lena lan Fani
didhawuhi Bu Rina menyang ruang BK.
Fani
: Ana apa ya? Kok awake dhewe
didhawuhi Bu Rina menyang ruang BK?
Lena
: Aku ya ora ngerti ki. Ya wis mrana
dhisik wae, mbokmenawa awake dhewe entuk prestasi.
(
Lena lan Fani padha menyang ruang BK. Saktekane ing kana….)
Bu
Rina : Lena, Fani…apa bener koe sing ngunceni Rio lan Candra ing gudang?
Lena : M..m..mboten, bu. Niki rencananipun Fani,
bu.
Fani :
M…mboten, bu. Niki rencananipun Lena. Lena ingkang gadhah rencana. Kula namung
tumut kemawon.
Bu Rina :
Wis..wis. Aja padha nyalahake. Apa sing kok lakoni iku salah. Kowe padha kena
apa, kok ngerjani Rio lan Candra? Rio lan Candra iku duwe salah apa karo kowe,
to cah? Rio iku kan isih murid anyar ing kene. Kudune kowe iku dadi kancane Rio,
ora malah kaya kene. Kepiye yen Rio ngomong marang wong tuwane, banjur wong
tuwane lapor marang polisi? Masalahe bisa dadi tambah gedhe lan koe bisa mlebu
penjara.
(Lena
lan Fani mung ndingkluk wae amarga wedi. Lena lan Fani sadar apa sing wis
dilakokake iku luput)
Bu Rina :
Apa kowe padha gelem mlebu penjara? Yen kowe ora gelem mlebu penjara, ngomonga
sing sabenere. Ibu ora bakal ndukani kowe, yen kowe gelem ngomong jujur.
Fani :
Mboten, bu. Kula boten purun mlebet penjara. Inggih,bu. Panci kula kaliyan Lena
ingkang ngunci Rio kaliyan Candra wonten gudang.
Lena :
Kula inggih boten purun mlebet penjara, bu.
Bu Rina :
Yaw is, saiki kowe kudu janji ora bakal ngulangi tumindakmu sing kaya mengkono
kuwi.
Lena : Kula janji, bu. Kula janji boten badhe
nindakaken tumindak kados punika malih.
Fani : Kula inggih janji, bu.
Bu Rina :
Ya wis, saiki padha muliha menyang kelas. Kowe padha kudu njaluk ngapura marang
Rio lan Candra. Lan koe kudu nepati janjimu mau. Yen kowe nglanggar janjimu,
ibu bakal menehi koe hukuman.
Lena
lan Fani : Inggih, bu.
(Lena
lan fani ngadeg lan salaman karo Bu Rina. Lena lan Fani banjur mulih menyang
kelas)
Wusana,
Lena lan Fani sadar apa wae kaluputane. Banjur, Lena lan Fani njaluk ngapura
marang Rio lan Candra.
Lena lan Fani : Rio, Candra. Awak dhewe
njaluk ngapura ya marang kowe. Kowe padha gelem ngapurani awake dhewe, ta?
Rio
: Ya wis rapapa. Tak ngapura. Sesuk
meneh aja kaya mengkono ya.
Lena :
Aku janji ora bakal ngulangi maneh kelakuanku lan bakal dadi bocah sing luwih
becik.
Fani
: Iya, aku ya janji Ri.
Candra
: Dadi, awake dhewe saiki kancaan, ta?
Lena,
Fani, Rio : Ya iyalah……
Pungkasaning
crita, Lena, Fani, Rio, lan Candra dadi kanca cedhak. Angel lan seneng dilakoni
bareng – bareng. Sejatine kuwi iku makna kekancan sing sabenere.
Komentar
Posting Komentar